Ja nú er það spurning hvort maður taki upp fyrri siði og fari að nota þessa síðu eitthvað, en svona á þeim tíma sem hún hefur ekki verið í notkun hefur maður fjölgað í fjölskyldunni, hætt og byrjað í nokkrum íþróttagreinum, misst trúnna á fjármálakerfinu og upplifað allskonar breytingar á veðrakerfinu hér á landi sem hafa ekki sést í nokkur á og ég tek fagnandi, með meiri snjó og verri hretum,breytingar á hugbúnaði og vélbúnaði hafa líka orðið á þessum tíma en fer ekki nánar í það hér enda efni í sér pistil.  En þakka fyrir í bili og tíminn einn mun leiða það í ljós hvort maður verður aftur virkur hér. 

Jæja við Frúin ætluðum að taka strætó í gær niður í bæ og vorum frekar sein fyrir svo ekki var mikið pælt í hvert við þurftum að fara til að taka vagninn.  Er við komum svo á stoppistöðina tók við stutt bið efir að vagninn kom og kom þá akkúrat í gagnstæða átt við þá stoppstöð sem við vorum á og engin stoppistöð hinumegin við götuna. Er við löbbuðum aftur heim á leið fékk ég smáskammir fyrir að vita ekki hvar vagninn kæmi og hvaða stoppistöð við þyrftum að vera á, á meðan hló ég bara að þessu og sagði að þetta hlyti þá að vera ferðin "Aldrei fór ég í strætó" fyrst við gátum ekki tekið vagninn.

Í gærkvöldi var svo bróðir minn með partý í tilefni af afmælinu sínu og tókum við strætó þá niður í bæ eftir að hafa farið vel yfir leiðarbókina hjá strætó og skoða vel hvar hann ætti að koma svo engin ruglingur yrði nú í þetta sinn sem og varð ekki.  Og komumst við því niður í bæ vel tímalega.  Eftir smátíma hringdi ég þó í afmælisbarnið og athugaði hvort ekki væri í lagi að mæta aðeins fyrr enda var ég með gjöfina hans í poka og ekkert þægilegt að halda á honum um allan bæ, Var hann þá að koma úr sturtu en bara nokkrar mínútur í að veislan átti að byrja.  En hann komst þó á réttum tíma og svo var setið við fögnuð fram eftir kvöldi, Frúin fór að vísu eftir klukkutíma viðveru eða svo enda þreytt í hendinni en sjálfur sat ég nær allan tímann enda margir sem þurfti að spjalla við og nokkrar persónur þarna sem maður hefur varla séð í fjölda ára þ.e. gamlir vinnufélagar síðan um og kringum 2000. e. kr.  svo maður sé nákvæmur.  Eftir veisluna fór maður svo og hitti Kidda félaga og tölti með honum áleiðis heim.

Í morgun vaknaði maður svo vel þunnur og ekki til í neitt en fljótlega hringdi síminn hjá Frúnni og þar var yngri bróðir hennar að boða heimsókn svo maður varð að stökkva til og reyna koma sér í ástand til að taka á móti gestum, en hann var að koma með son sinn sem hann eignaðist nú um jólin og leyfa Frúnni að sjá hann og koma með boðskort í Skírnina hjá honum.  Eftir heimsóknina leið mér samt lítið betur af þynnkunni svo ég lagði mig í þrjá til fjóra tíma og vaknaði allur endurnærður, og drifum við Ellý okkur þá út í góða veðrið.  Kíktum upp í Kjarnaskóg og fórum svo í kaffi til ömmu en hún átti afmæli í gær ásamt Tryggva félaga mínum.  Fengum þar pönnukökur og mjólk og hittum frænku þar fyrir frænku mína frá Ólafsfirði, en náði ég ekki alveg hvernig hún væri skyld mér.  Svo í kvöld var bara spilað og haft það rólegt, en þegar þetta er ritað er komin miðnótt.

Jæja var að skoða tónlistar safnið mitt í gær og komst að því að inn á milli á ég marga gullmola, leið í gær þegar ég var að hlusta á safnið og velja lögin að ég væri komin aftur í hlutverk tónlistarstjóra(plötusnúðs) og nema fannst allt heppnast mun betur og langaði helst að smala saman fólki og vera með smá dansiball fyrir það.  ef einhver nennir að hlusta á mig spila og vantar tónlistastjóra má athuga hvort hægt er að semja.
rafgeymirin í bílnum hjá mér er að verða eitthvað lélegur og hef ég lent í því ítrekað í vetur að þurfa að láta draga bílinn í gang, fór svo eftir 17. mars minnir mig í rúmfó og keyptir mér start kappla og fæ því orðið bara start núna, enda miklu fljótlegra, og hef ég svo gaman að þessu að mér langar ekkert að kaupa mér nýjan geymi í bílinn þó þrýst sé mikið á mig.  alltaf gaman að einhverju veseni finnst mér.

las í gærkvöldi á mbl.is að 20 mínúna púl við heimilisstörf voru metin til jafns við 20 mínútna hreyfingu samkvæmt einhverri könnun til að halda geðheilsunni góðri en ekkert var sagt beint um hvort púlið við heimilisstörfin kæmi í stað hreyfingarinnar í þjálfun líkamans, sem ég efast um, en sá að einhvejir ætluðu að mér sýndist að vera góðir við konuna sína og færa þeim þær fréttir að þær þyrftu ekki að vera jafnduglegar við að hreyfa sig ef þær héldu sér bara við heimilisstörfin.

jæja, nýtt ár byrjar með ágætum, nýjir kjarasamningar í höfn og allt viðist stefna í rétta átt, en einhvrnveginn heyrðist mér á kennurum og nú síðast á starfsmönnumríkis og bæja að þessir hópar séu líklegir til að sprengja kjarasamningana sem lokið er við þó við vonum hið besta og fólkið stilli kröfum sínum í hóf.

hljómsveitin Queen ásamt Paul Rogers er nýbúin að senda frá sér lagið 'Say It's Not True' og hljómar það mjög vel, myndbandið er öllu sorglegra og vekur okkur til umhugsunar um hver erfitt getur verið hjá fólkinu í Afríku.  Set hérna inn myndbandið svo fólk geti séð það og þeir heyrt lagið sem ekki hafa heyrt það eða kannast ekki við það.

Set einnig inn heimagert hljómleika myndband fyrir neðan.